Ábyrgðin

Bifreiðin er í 5 ára ábyrgð frá fyrsta skráningardegi eða að eknum 160.000 km, hvort sem kemur á undan. 100% rafbílar, Renault Zoe, Megane E-Tech og Kangoo EV eru með 5 ár/150.000 km. Undanskilin eru þau atriði sem tilgreind eru sérstaklega í 2. kafla um takmörkun á ábyrgð. Komi upp galli í bifreiðinni er kaupanda skylt að hafa tafarlaust samband við viðurkenndan þjónustuaðila Renault. Bent skal á að tafir á að færa bifreið til skoðunar, komi upp galli, geta í vissum tilfellum margfaldað upprunalegt tjón. Dráttur á að tilkynna um galla getur takmarkað eða jafnvel fellt niður ábyrgð. Bifreiðar frá öðrum markaðssvæðum utan Evrópu eru ekki í ábyrgð á Íslandi

2.1. Ábyrgð á perum er 6 mánuðir eða að eknum 10.000. km hvort sem kemur á undan. 

2.2. Ábyrgð á hjólastillingu er 12 mánuðir eða að eknum 10.000 km. 

2.3. Ábyrgð á rafgeymi er 24 mánuðir eða að eknum 40.000.km. Ábyrgðin fellur þó niður hafi rafgeymir einhvern tíma tæmst vegna vanrækslu. 

2.4. 12 ára ábyrgð er vegna ryðs sem kemur innanfrá, 6 ár fyrir Renault Master. 

2.5 Gagnvart Renault Zoe, Megane E-Tech og Kangoo EV rafmagnsútgáfum þá er ábyrgð á raf- og íspennuhlutum 100.000 km eða 3 ár, hvort sem kemur á undan. Ábyrgð gegn rýmdartapi á rafhlöðu er Zoe og Megane E-Tech með 8 ár/160.000 km og Kangoo EV 5 ár/100.000 km. 

2.6. Ábyrgð er ekki á hjólbörðum. 

2.7 Ábyrgð á dempurum er 2 ár eða að eknum 50.000 km, hvort sem kemur á undan. 

2.8. Eðlilegt slit fellur utan ábyrgðar.    

3.1. Kaupanda er skylt að færa bifreiðina í olíuþjónustu og þjónustueftirlit hjá viðurkenndum Renault þjónustuaðila fyrst eftir 15.000 km akstur (+/- 2.000 km) og síðan á 15.000 km fresti (30.000, 45.000 km o.s.frv.) en þó eigi sjaldnar en á 12 mánaða fresti til þess að viðhalda ábyrgðinni. Bæði vinna og efni við þjónustuskoðanir og olíuskipti eru á kostnað eiganda. Ábyrgðin fellur úr gildi ef þessum atriðum er ekki fullnægt. 

3.2. Ábyrgðin er háð því skilyrði að varahlutir sem notaðir eru séu allir framleiddir fyrir þessa bifreið af framleiðanda hennar eða af sömu vottuðum gæðum. 

3.3. Kaupanda er skylt að sjá um flutning bifreiðarinnar að og frá viðgerðarstað á sinn kostnað. Reynist nauðsynlegt vegna fjarlægðar eða ófærðar að gera við bifreið utan þjónustukerfis BL skal haft samband við þjónustustjóra BL og leitað eftir samþykki ella verður tjónið ekki bætt. Seljandi greiðir einungis samkvæmt dagvinnutaxta BL. 

3.4. Ábyrgðin nær ekki til tjónabíla (samkvæmt skilgreiningu reglugerðar um gerð og búnað ökutækja), né heldur megi rekja bilun til tjóns eða árekstrar. Ábyrgðin nær ekki til tjóns sem orsakast af utanaðkomandi hlutum (svo sem steinkasti eða öðrum efnum). 3.5. Afnotamissir bifreiðar vegna ábyrgðarviðgerðar fæst ekki bættur. 

3.6. Sé bifreiðin notuð á óeðlilegan eða ólöglegan hátt eða hún misnotuð, fellur ábyrgðin úr gildi. Sömuleiðis ef bifreiðinni sem ekki má aka utan vegar er ekið á þann hátt. 

3.7. Óbeint tjón og/eða útlagður kostnaður eiganda, sem rekja má til galla fellur ekki undir ábyrgð þessa. 

3.8. Rétt er að brýna fyrir kaupanda að tilkynna tafarlaust um uppkominn galla til viðurkennds þjónustuaðila eða þjónustustjóra BL. Einnig að nota ekki bifreiðina nema að höfðu samráði við þjónustuaðila. 

3.9. Hreyfing smurolíu á vél milli þjónustuskoðana getur verið allt að 500 ml fyrir hverja ekna 1.000 km. Akstursmáti sem og ytri aðstæður hafa áhrif á hvernig bifreiðin hreyfir við olíu og því er ekki óeðlilegt að bæta þurfi vélarolíu á bifreiðina milli þjónustuskoðana. Frekari útskýringar er hægt að sjá í handbók bifreiðarinnar    

4.1.Kaupandi getur ekki gert ábyrgðar- eða skaðabótakröfur umfram skilmála þessa ábyrgðarsamnings.

4.2. Ábyrgðin tekur gildi við undirritun samningsins.

4.3. Samkvæmt ráðleggingum framleiðanda þarf að athuga allan búnað sem varðar loftpúða (air-bag) og belta­strekkjara þegar bíllinn er tíu ára. Það gæti þurft að skipta út öllum búnaðinum eða hluta hans eftir þennan tíma.

• Öll yfirbygging og þar á meðal lakk 

• Innra byrði yfirbyggingar, allur undirvagn ásamt þverbitum 

• þéttilistar/ gúmmíkantar / límingar / kíttanir 

• Listar/skrautlistar og hjólkoppar 

• Allar límdar eða skrúfaðar merkingar utan á bifreið 

• Hliðarrúður, afturrúða og framrúða 

• Perur ásamt LED ( Díóður )

• Plastmælaborð, stýri og stillingar. Kvartanir vegna braks í mælaborði

• Hljóðnemi inní bíl fyrir síma og kvartanir vegna Bluetooth vandamála sem krefst uppfærslu 

• Kúplingsdiskur, pressa og lega / dæla og allir íhlutir sem tengjast kúplingu 

• Allt Pústkerfið frá túrbínu og niðurúr. Sótsía og suður í pústi 

• Millirör / hvarfakútur ásamt hljóðkút 

• Allar innréttingar, hurðarspjöld, olnbogahvíla, plasthlífar sem eru skrúfaðar og smelltar, /mælaborðs-plast-panel, miðstöðvar-ristar o.s.frv. 

• Öll hljóðeinangrandi efni og þéttingar 

• Sætisáklæði og svampur ásamt höfuðpúða   

Bifreiðin er í 3ja ára ábyrgð frá fyrsta skráningardegi eða að eknum 100.000 km, hvort sem kemur á undan. Undanskilin eru þau atriði sem tilgreind eru sérstaklega í 2. kafla um takmörkun á ábyrgð. Komi upp galli í bifreiðinni er kaupanda skylt að hafa tafarlaust samband við viðurkenndan þjónustuaðila Renault. Bent skal á að tafir á að færa bifreið til skoðunar, komi upp galli, geta í vissum tilfellum margfaldað upprunalegt tjón. Dráttur á að tilkynna um galla getur takmarkað eða jafnvel fellt niður ábyrgð.   

2.1. Ábyrgð á perum er 6 mánuðir eða að eknum 10.000. km hvort sem kemur á undan.  

2.2. Ábyrgð á hjólastillingu er 12 mánuðir eða að eknum 10.000 km. 

2.3. 12 ára ábyrgð er vegna ryðs sem kemur innanfrá, 6 ár fyrir Renault Master. 

2.4 Gagnvart Renault Zoe og Renault Kangoo rafmagnsútgáfum þá er ábyrgð á raf- og íspennuhlutum 100.000 km eða 3 ár, hvort sem kemur á undan. Ábyrgð gegn rýmdartapi á rafhlöðu er 8 ár eða 160.000 km á Renault Zoe og 5 ár eða 100.000 km á Renault Kangoo  

2.5. Ábyrgð er ekki á hjólbörðum. 

2.6 Ábyrgð á dempurum er 2 ár eða að eknum 50.000 km, hvort sem kemur á undan. 

2.7. Eðlilegt slit fellur utan ábyrgðar.  

3.1.Kaupanda  er skylt að færa bifreiðina í olíuþjónustu og þjónustueftirlit hjá viðurkenndum Renault þjónustuaðila fyrst eftir 15.000 km akstur (+/- 2.000 km) og síðan á 15.000 km fresti (30.000, 45.000 km o.s.frv.) en þó eigi sjaldnar en á 12 mánaða fresti til þess að viðhalda ábyrgðinni. Bæði vinna og efni við þjónustuskoðanir og olíuskipti eru á kostnað eiganda. Ábyrgðin fellur úr gildi ef þessum atriðum er ekki fullnægt. 

3.2.Ábyrgðin er háð því skilyrði að varahlutir sem notaðir eru séu allir framleiddir fyrir þessa bifreið af framleiðanda hennar eða af sömu vottuðum gæðum.

3.3.Kaupanda er skylt að sjá um flutning bifreiðarinnar að og frá viðgerðarstað á sinn kostnað. Reynist nauðsynlegt vegna fjarlægðar eða ófærðar að gera við bifreið utan þjónustukerfis BL skal haft samband við þjónustustjóra BL og leitað eftir samþykki ella verður tjónið ekki bætt. Seljandi greiðir einungis samkvæmt dagvinnutaxta BL.

3.4.Ábyrgðin nær ekki til tjónabíla (samkvæmt skilgreiningu reglugerðar um gerð og búnað ökutækja), né heldur megi rekja bilun til tjóns eða árekstrar. Ábyrgðin nær ekki til tjóns sem orsakast af utanaðkomandi hlutum (svo sem steinkasti eða öðrum efnum).

3.5.Afnotamissir bifreiðar vegna ábyrgðarviðgerðar fæst ekki bættur.

3.6.Sé bifreiðin notuð á óeðlilegan eða ólöglegan hátt eða hún misnotuð, fellur ábyrgðin úr gildi. Sömuleiðis ef bifreiðinni sem ekki má aka utan vegar er ekið á þann hátt.

3.7.Óbeint tjón og/eða útlagður kostnaður eiganda, sem rekja má til galla fellur ekki undir ábyrgð þessa.

3.8.Rétt er að brýna fyrir kaupanda að tilkynna tafarlaust um uppkominn galla til viðurkennds þjónustuaðila eða þjónustustjóra BL. Einnig að nota ekki bifreiðina nema að höfðu samráði við þjónustuaðila.

4.1.Kaupandi getur ekki gert ábyrgðar- eða skaðabótakröfur umfram skilmála þessa ábyrgðarsamnings.

4.2. Ábyrgðin tekur gildi við undirritun samningsins.

4.3. Samkvæmt ráðleggingum framleiðanda þarf að athuga allan búnað sem varðar loftpúða (air-bag) og belta­strekkjara þegar bíllinn er tíu ára. Það gæti þurft að skipta út öllum búnaðinum eða hluta hans eftir þennan tíma.